به نام خدا
پان عشقیستم بوگون بیر لیریک غزل
ایستیره‌م دوتسونلار آس‌سینلار منی
بیر بئله آزادلیق یاراشمیر منه
قوی داراشلیق یئره باس‌سینلار منی
پان عشقیستم بوگون، ایستیره‌م یازام
خیردا عشقین ایندی ایریلیب منده
ال آیاق چالسان‌دا آنجاق بوغاجاق
دنیزلر، دالغالار دیریلیب منده
عشقین پولسوز کیشی، عشقین آج آروات
هاممی‌دان قوغولوب، سیخیلمیش منه
عشقین قوجاقیمدا کورپه اوشاقدی
آنادان دوغولوب، سیخیلمیش منه
عشقین، تاریخ بویو دهشتلی سس‌دیر
شهرین قولاغیندا پارتلین بومبا
غونچانی، تیکانی با هم یاندیران
قیزیل گول باغیندا پارتلین بومبا
لاپ بئله تاریخین دیک‌گله‌ن یئری
عشقین، مشروطه‌دی تبریز چاغیندا
عشقین، نارداراندا آخان گؤز یاشی
بالاجا قیزلارین آل یاناغیندا
عشقین، بیر ظولومدور انسانیته
خاورمیانه‌ده کسیله‌ن باشدیر
عشقین، دنیزلرین مرزین آئیران
یورقون گؤزلریمده قورویان یاشدیر
***
من دئییردیم سنه نارگیله‌سیه‌م
باغلیردیم آتیمی نار آغاجینا
عشقین قان چاناغی، یخدی آتیم
آچیلیب دولاشدی دار آغاجینا
***
آسمیشدیلار منی هانسی میدان‌دا؟
فیرلانیر باشیمدا ساعات میدانی
ایندی کی اؤلموشه‌م الین وئر منه
دولاناق ایکیمیز راحات میدانی
بسم ا.
گون، حرمینده‌ن ساچیلان نوردور
سنده‌ن آلیپ نورونو مشهوردور
آی، کی بئله جلوه ائدیر عرشیده
شعشعه‌ی عشقیوه منشور دور
طوس کی یوخ،حضرت شمس‌الشموس
ملک جهان، مهریوه وردور
موسی عمران‌دی سنین زائرون
مشهدون ای شاه، مگر طوردور؟
ای حرمین قبله‌گه نه رواق
جانیمی یاندیریدی داها اشتیاق!
روح‌الامین درگهیوه پاسبان
بارگهون قطعه‌ای از آسمان
گوشه‌ی چشمی ائله آهولره
ای حرمون گوشه‌ی امن جهان
"دور مران از در و راهم بده
ای حرمت ملجاء درماندگان"
دانه‌ی مهرون سپیلیر صحنیوه
منده گوورچین‌لنیره‌م ناگهان
من حرمینده او ایتن طفل تک
سن منی تاپ، ای آنادان مهربان!
ای حرمین قبله‌گه نه رواق
جانیمی یاندیردی داها اشتیاق
هانسی گروهون بئله مولاسی وار”
جود و کرمله دولی دریاسی وار
هانسی گروهدور اولا گر عرصه تنگ
اوچماق اوچون شهپر عنقاسی وار
هانسی شهین محض حضور گدا
گستریله‌ن صحن مطلّا‌سی وار
مشهدیوین فرّینه حیرت‌دیه‌م
سانکی ثری ایچره ثریاسی وار
اسم شریفی اؤلیه جان وئریر
شیعه‌لرین گورنه مسیحاسی وار
ای حرمین قبله‌گه نه رواق
جانیمی یاندیردی داها اشتیاق
یوخ دا تموج‌لره غرق اولمارام
بحر سخا گستره گر ساحلی
بوش دور الیم آمما امام رئوف
من ده شفیع ایلیه‌رم دعبلی
محض صله مهرینی سالسین دله
شاه کرم رد ائله‌مز سائلی
چوخ داریخیر قلبمیز ای کاش حق
ائتسین عنایت فرج عاجلی
ای حرمین قبله‌گه نه رواق
جانیمی یاندیردی داها اشتیاق
گفتم که شکایتی بخوانم
از دست تو پیش پادشا من
کاین سخت دلی و سست مهری
جرم از طرف تو بود یا من؟
دیدم که نه شرط مهربانیست
گر بانگ برآرم از جفا من
.
.
درباره این سایت